३ असोज , काठमाण्डौ ।
श्रीलंकाका युवा अलराउन्डर दुनिथ वेल्लागेका पिता सुरंगा वेल्लागेको असामयिक निधन भएको छ । संयोगवश, उता दुनिथले एसिया कप अन्तर्गत अफगानिस्तानविरुद्ध खेलिरहेका बेला उनको बुबाको दुखद् निधन भयो ।
उता खेलमा दुनिथले अफगानिस्तानविरुद्ध एकै ओभरमा पाँच छक्का खाए । यता उनको पिताको हृदयघातबाट निधन भयो । तर उनले यो खबर खेलपछि मात्रै थाहा पाए । खेलमा टस जितेर पहिले ब्याटिङमा उत्रिएको अफगानिस्तानका मोहम्मद नाबीले वेल्लागेलाई पहिलो इनिङको अन्तिम ओभरमा पाँच छक्का प्रहार गरेका थिए ।
वेलालागेको अन्तिम बलमा आउट हुनुअघि नाबीले २०औँ ओभरमा ३० रन प्रहार गरे । नाबी आक्रामक रूपमा प्रस्तुत हुँदा वेलालागेले अफगानिस्तानविरुद्ध चार ओभरमा एक विकेट लिँदा ४९ रन खर्चिए ।
उनले एक ओभरमा पाँच छक्का खाएपनि टोली सुपर फोरमा प्रवेश गरेको थियो । उनीसँगै टोली उत्साहीत थियो । श्रीलंकाबाट महँगो बनेका वेल्लागेलाई खेलसँगै बुबाको निधनको खबर प्राप्त भयो । एक श्रीलंकन अधिकारीले उनको बुवाको मृत्युको खबर सुनाए ।
२२ वर्षीय वेलालागे श्रीलंकाले ६ विकेटले जितेर सुपर फोरमा स्थान सुरक्षित गरेलगत्तै घर फर्किए । उनको बुबाको निधनको खबरप्रति अफगानिस्तानका खेलाडी मोहम्मद नावीले दुख व्यक्त गरेका छन् । उनले यो खबर सुन्दा आफूलाई सुरुवातमा विश्वास नलागेको बताए ।
गएराती अफगानिस्तानले दिएको एक सय ७० रनको लक्ष्य श्रीलङ्काले १८ ओभर ४ बलमा ४ विकेट गुमाउँदै पूरा गर्यो । श्रीलङ्काका ओपनर कुशल मेन्डिसले ७४ तथा कामिन्दु मेन्डिस २६ रन जोडे। अफगानिस्तानका नुर अहमद, मोहम्मद नाबी, आजमतुल्लाह ओमरजाई, मुजिबउर रहमानले १÷१ विकेट लिए ।
त्यसअघि युएईको आबुधावीमा टस जितेर पहिला ब्याटिङ गरेको अफगानिस्तानले निर्धारित २० ओभरमा ८ विकेट गुमाउँदै एक सय ६९ रन बनाएको थियो । अफगानिस्तानका मोहम्मद नाबीले ६० रन बनाए ।
समूह ‘बी’ मा श्रीलङ्का ३ खेलमा अपराजित रहँदै सुपर ४ मा पुगेको हो । बङ्गलादेश ३ खेलमा २ मा जित र १ मा हारसहित दोश्रो स्थानमा रहेर सुपर ४ मा पुगेको छ । अफगानिस्तान भने ३ खेलमा १ मा जित र २ मा हारसहित तेश्रो स्थानमा रहेर प्रतियोगिताबाट बाहिरिएको छ ।
श्रीलंकाले एसिया कपमा कम्तीमा तीनवटा खेल खेल्न बाँकी छ । समूह ए मा भारत ४ अंकका साथ शीर्ष स्थानमा छ । समूह ‘ए’ बाट भारत र पाकिस्तान सुपर ४ मा पुगिसकेका छन् । आज भारतले ओमानसँग खेल्दैछ । खेल नेपाली समय अनुसार बेलुका सवा ८ बजे युएईको आबुधावीमा शुरू हुनेछ ।
आजको खेलपछि समूह ए को विजेता टुंगो लाग्नेछ । भारत सहज जित निकाल्ने योजनामा हुनेछ । प्रतियोगितामा दुई खेलमा सहज जित निकालेको भारत शतप्रतिशत जितसँगै सुपर फोरको खेल खेल्न चाहन्छ । यता ओमान भने सुखद विदाइको अपेक्षामा हुनेछ ।
दुई खेलमा पराजित ओमान अन्तिम खेलमा जित निकाल्दै प्रतियोगिता दुङ्ग्याउने योजनामा छ । आजको खेल भारतका लागि महत्वपूर्ण हुनेछ । सुपर फोरमा पाकिस्तानसँग प्रतिस्पर्धा गर्नुअघि भारत बलियो खेल पस्कने योजनामा छ ।
सुपर ४ मा सबै टोलीले एक अर्कासँग खेल्नेछन् । सुपर ४ का खेल भोलिदेखि शुरू हुनेछन् । पहिलो खेलमा श्रीलंकाले बंगलादेशसँग प्रतिस्पर्धा गर्दा दोस्रो खेलमा पाकिस्तानले भारतको सामना गर्नेछ । फाइनल खेल सेप्टेम्बर २८ अर्थात असोज १२ गते हुनेछ ।
