२४ पुष , काठमाण्डौ ।
अमेरिकाले रूसी तेल ट्याँकर कब्जा गरेपछि यतिबेला मस्को आगो भएको छ । पुटिनका समर्थकले यसलाई अमेरिकाको दुस्साहस भनेका छन् । मस्कोका एक शीर्ष अधिकारीले अमेरिकालाई न्यूक्लियर कारबाहीको धम्कीसमेत दिएका छन् ।
राष्ट्रपति भ्लादिमीर पुटिनका नजिकका समर्थक एलेक्सी जÞुराभलेभ, जो रूसी स्टेट ड्यूमाका रक्षा समितिको पहिलो डिपुटी हेड हुन्, उनले अमेरिकालाई यस्तो कडा चेतावनी दिएका हुन् । उनले भने, “भेनेजुएलाका राष्ट्रपति निकोलस मादुरोलाई पक्राउ गरेपछि अमेरिका उत्साहित छ । तर अब हामीले पनि जवाफ दिनुपर्छ, टरपीडोबाट हमला गर्नुपर्छ वा केही अमेरिकी जहाजहरुलाई समून्द्रमा डुबाइदिनु पर्छ“ ।
रूसी अधिकारीले तेल ट्यांकरलाई कब्जामा लिएको अमेरिकाको यो कार्यलाई ’समुद्री डकैती’ भनेका छन् । “यो खासमा रूसी क्षेत्रमा हमला जस्तै नै हो, किनभने ट्यांकरमा हाम्रो झण्डा लागेको थियो, उनले भने ।
एलेक्सी जुराभलेभले अमेरिकालाई धम्की दिदै भने, “यसमा कुनै शंका छैन कि हामीले बलियो गरि र तीव्र ढंगले जवाफ दिनुपर्छ, उनी अगाडि भन्छन्, हाम्रो मिलिट्री सिद्धांत त यस्तो हमलाको जवाफमा न्यूक्लियर हतियारहरुको प्रयोग गर्न पनि खुला छ भन्दै उनले चेतावनी दिएका हुन् ।
अटलांटिक महासागरमा झण्डै दुई सातासम्म पिछा गरेपछि अमेरिकी सैनिकहरुले रुसी जहाजलाई कब्जामा लिएका हुन् । यो घटनालाई रूसका राष्ट्रपति भ्लादिमीर पुटिनका लागि निकै अपमानपूर्ण रुपमा हेरिएको छ ।
यस्तोमा रूसका अर्का सीनियर सांसद आंद्रेई अलेक्जेंड्रोभिच क्लिशसले पनि निकै रिसाएर प्रतिक्रिया दिदै यसलाई चकित पार्ने खालको घटना भनेका छन् । उनले “खुलेआम समुद्री डकैतीको काम“ भनेका छन् ।
अर्कातर्फ अमेरिकी रक्षा मंत्री पीट हेगसेथले प्रेस कन्फ्रेंसका क्रममा भेनेजुएलाको तेलमा पूर्णरुपमा प्रतिबन्ध लगाइएको बताएका छन् । उनले रूसी तेल ट्यांकर कब्जामा लिएको घटनालाई इंकित गर्दै भने, “हाम्रो सेना यस्तो काम जारी राख्नका लागि तयार छ“ ।
अमेरिकी रक्षा मंत्रीले भने, “हामी आफ्ना हितहरुलाई अगाडि बढाउनका लागि कारबाही गर्ने सरकार हौं र यो देखिई पनि रहेको छ।“ यसअघि भेनेजुएलाबाट निस्किएको यो तेल ट्यांकरको रक्षाका लागि रूसले आफ्नो पनडुब्बीलाई पठाएको थियो, तर यसको बावजूद अमेरिकी नौसेनाले उसको तेल ट्यांकरलाई नियन्त्रणमा लिएको हो ।
यो घटनापछि रूसका ट्रांसपोर्ट मंत्रीले पनि बयान जारी गर्दै अमेरिकी कारबाहीलाई समुद्री कानूनको खुला उल्लंघन भनेका छन् । अमेरिकाले भेनेजुएली तेल बोक्ने गरेका दुई वटा जहाजलाई जफत गरेको हो । उत्तर एट्लान्टिक र क्यारबियन सागरमा एक पछि अर्को कारबाहीमा ती जहाज अमेरिकी सेनाले आफ्नो नियन्त्रणमा लिएका हुन् ।
दुई हप्तासम्मको प्रयासपछि सेना अन्ततः रुसको झन्डा राखिएको मरिनेरा नाम गरेको जहाजभित्र पस्न सफल भएका हुन् । त्यतिबेला जहाज आइसल्यान्ड र स्कटल्यान्डको बिचमा थियो । यस काममा बेलायतको शाही जलसेनाले अमेरिकी सेनालाई लजिष्टिक सहयोग गरेको बताइएको छ ।
अमेरिकाले जफत गरेको दोस्रो जहाज भने एमरटी सोफिया हो । यो जहाज गैरकानूनी गतिविधिहरूमा संलग्न रहेको आरोप अमेरिकाको छ । भेनेजुएलाको कच्चा तेल निर्यात पूरै रोक्ने अमेरिकी प्रयासबिच यो कदम चालिएको हो ।
अमेरिकी सेनाले कारकासमा आक्रमण गरेर राष्ट्रपति निकोलस मादुरो र उनकी पत्नीलाई समातेर अमेरिका लगेको केही दिनमा जहाज समातिएका हुन् । अवैध भेनेजुएली तेलमाथिको प्रतिबन्ध विश्वको जुनसुकै ठाउँमा पूरै लागू रहेको अमेरिकी रक्षामन्त्री पिट हेगेस्थले एक्समा एउटा पोष्टमा लेखेका छन् ।
तर आफ्नो देशको झन्डा भएको जहाज जफत गर्ने यस कदमको रुसले निन्दा गरेको छ । सीमापार अमेरिकाले रुससँग उचित तरिकाले व्यवहार गर्नु पर्ने माग राख्दै जहाजलाई छिटै रुस फर्किन अनुमति दिन पनि रुसले भनेको छ ।
रुसलाई चिढ्याएको अमेरिकाले भने अब आफ्नो सेनालाई थप महाशक्तिशाली बनाउन लागि परेको छ । यसका लागि उसले रक्षा बजेट बढाउँदै लगेको छ । अमेरिकी राष्ट्रपति डोनाल्ड ट्रंपले सन २०२७ का लागि अमेरिकाको सैन्य बजेटमा ५०% बढाउने निर्णय गरेका छन् ।
उनले यसलाई अमेरिकाको ड्रीम मिलिट्रीका लागि आवस्यक भनेका छन् । जसले कुनै पनि शत्रुलाई रोक्न सकोस् र देशलाई सुरक्षित राख्न सकोस । आफ्नो ट्रुथ सोशल प्लेटफर्ममा पोस्ट गर्दै ट्रंपले भने, अमेरिकाले २०२७का लागि आफ्नो मिलिट्री बजेट १ ट्रिलियन डलरको साटो १.५ ट्रिलियन डलर बनाउनुपर्छ ।
ट्रंपले यो निर्णय सांसदहरु र सीनियर अधिकारिहरुसंग छलफल गरेपछि लिइएको पनि जनाएका छन् । उनले अहिलेको वर्तमान समयलाई निकै मुश्किल र खतरनाक भनेका छन् र यस्तो समयमा बढेको बजेटले राष्ट्रीय सुरक्षालाई बलियो बनाउने जनाएका छन् ।
यस्तै ट्रंपले एक पटक पुन ट्यारिफको चर्चा गरे र यसबाट भएको कमाईले नै धेरै खर्च गर्न सम्भव भएको बताए । उनले भने, यदी अरु देशबाट ट्यारिफका रुपमा प्राप्त भएको ठूलो रकम नभएको भए म १ ट्रिलियन डलरको आँकडा पनि पार गर्न सक्दिन थिए ।
अमेरिकी राष्ट्रपतिले भने अब ट्यारिफबाट भएको कमाइले ठूलो सेनालाई फंड दिन, कर्जा कम गर्न र अमेरिकिहरुलाई वित्तीय फायदा दिन सम्भव भएको छ ।डोनाल्ड ट्रंपको मिलिट्री बजेटमा बृद्धि निकै ठूलो घोषणा हो तर हालैका वर्षहरुमा अमेरिकाको रक्षा खर्च तीव्ररुपमा बढेको रिपोर्टहरुले देखाएका छन ।
सन २०२१मा रक्षा बजेट ७२१ ऋर्ब डलर थियो, जुन २०२५ मा बढेर ९०१ अर्ब डलरमा पुग्यो । अमेरिकी सैन्य बजेटमा प्रस्तावित बृद्धिको घोषणा यस्तो समयमा भएको हो, जब ट्रंपको नेतृत्वमा अमेरिकाले विश्वमा सैन्य गतिविधिहरु बढाएको छ ।
पछिल्लो पटक तेल ट्यांकर नियन्त्रणमा लिएपछि वाशिंगटन र रूसबीच टकराव बढेको छ । रूसले ट्यांकर कब्जामा लिएको विषयमा स्पष्ट शब्दमा निन्दा गरेको छ । र यसलाई समुद्रमा डकैती भनेको छ । भेनेजुएलासंग भर्खरै दुश्मनी मोलेको छ ।
डेनमार्क, ग्रिनल्याण्ड, क्युबा, कोलम्बियासंग निहुँ खोजिरहेको छ । इरान, चीन, उत्तर कोरिया त उसका पुराना टकराव हो । यसबारे तपाइँका टिप्पणी अवस्यक व्यक्त गर्नुहोला ।
ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
