विराटनगर असोज २४
प्रदेश १ का मुख्यमन्त्री शेरधन राईले प्रदेशको बजेट तथा नीति कार्यक्रम बल्ल कार्यान्वयको तहमा पुगेको बताएका छन् ।उनले प्रदेशको संरचना निर्माण भएसगै सरकारले तय गरेको नीति तथा कार्यक्रम कार्यान्वयको चरणमा अघि बढेको जानकारी दिए ।
राष्ट्रिय योजना आयोगले बिराटनगरमा बुधबार आयोजना गरेको दिगो विकास लक्ष्य मैत्री योजना, अनुगमन मुल्यांकन तथा तथ्याङंक सम्बन्धी प्रदेशस्तरीय क्षमता विकास कार्यक्रममा राईले भने ‘दशै अघि सबै आवश्य संरचना तयार हुनेछन,त्यसपछि प्रदेश सरकारले तय गरेको नीति तथा कार्यक्रम अनुसार बजेट कार्यन्वयको तहमा अघि वढने छ’।
उनले अहिलेको तीन तहको संरचनामा राम्रो सहकार्य हुन आवश्य रहेकोमा जोड दिदै मुख्यमन्त्री राईले स्थानीय सरकार बिकासको जंगको रुपमा प्रदेश सरकार भवनको र संघीय सरकारले छानो रुपमा रहेर काम गर्नु पर्नेमा जोड दिए ।
मुख्यमन्त्री राईले प्रदेश योजना आयोग छिटै गठन गरिनेपनि जानकारी दिए ।प्रदेश नं १ को मुख्य जंगका रुपमा रहेको कृषि,जलस्रोत्र,पर्यटनलाई मुल आधार बनाएर प्रदेशलाई ५ बर्ष र १० बर्षे योजना बनाएर बिकास गर्ने सोचमा सरकार रहेको बताए ।
कार्यक्रममा राष्ट्रिय योजना आयोगका उपाध्यक्ष पुष्पराज कँडेलले पनि स्थानीय तह र प्रदेश बलियो नबनाए सम्म दिगो विकासको लक्ष्य प्राप्त हुन नसक्ने बताएका थिए ।उनले प्रदेश र स्थानीय तहको योजना निर्माण गर्ने कुरामा तथ्याङ्क अभावले समस्या हुने गरेको जानकारी दिए ।जसका निमिति तथ्याङक बैक बनाउनु पर्नेमा जोड दिए ।
उनले तथ्याङक बैकको अभावमा पुर्वाधार निर्माणमा सबै भन्दा वढी समस्या हुने गरेको जानकारी दिए ।उनले अहिले प्रदेश सरकारले राजनीतिक तहबाट मात्र योजना निर्माण गर्नु भन्दापनि परिमाण तहलाई जोड दिनुपर्ने बताएका थिए ।
सम्रग योजनाको अबधारण तर्जूमा,आवधिक योजना तर्जुमा प्रक्रिया र सो को व्यवहारिक अभ्यासका लागि आयोजना गरिएको सो कार्यक्रममा प्रदेश प्रमुखका कार्यालयका,मुख्यमन्त्री तथा मन्त्री परिषदको कार्यालय र बिषयगत मन्त्रालयका सचिव एव योजना तर्जुमा सम्बन्धी उपसचिव तथा अधिकृतहरुको सहभागिता रहेको छ।
