विराटनगर, असोज २५
चाडपर्व नजिकिएसँगै विशेष सुरक्षा योजना ल्याएको मोरङ प्रहरीले मादकपदार्थ सेवनगरी सवारीसाधन चलाउनेका लागि लिखित परीक्षा लिन सुरु गरेको छ ।
चेकजांचका क्रममा मापसे गरेर सवारीसाधन चलाएको फेला परेकाहरुलाई प्रहरीले सचेतनामुलक कारवाहीस्वरुप परीक्षामा सहभागि गराइएको हो ।
जिल्लाका विभिन्नस्थानमा मंगलबार गरिएको चेकजांचका क्रममा मादकपदार्थ सेवनगरी सवारीसाधन चलाएका मोटरसाइकल चालक ७४ जना, ट्रक चालक २ जना, टेम्पु ५, ट्रयाक्टर ४ र सिटि सफारीका ३ जना चालकसहित ८८ वटा सवारीसाधनका चालकहरुलाई ट्राफिक प्रहरीले २४ घन्टे पुर्जी थमाउदै लिखित परीक्षाकालागि जिल्ला प्रहरी कार्यालय मोरङ पठाएको थियो ।
सो क्रममा ३० जनालाई परीक्षामा सहभागि गराइएको छ । जसमध्ये १५ जनाले ८० प्रतिशत बढी अंक ल्याएर उतीर्ण भएका छन ।
अनुतीर्ण भएकाहरुलाई पुनःपरीक्षा लिएर पास भएपछि थप कारवाहीकालागि सम्बन्धित ट्राफिक प्रहरी कार्यालय पठाइएको मोरङ प्रहरीले जनाएको छ ।
