विराटनगर, कार्तिक २७
तराईवासीको महत्वपूर्ण पर्व छठको ब्रत बसेका विराटनगर महानगरपालिकाका मेयर भीम पराजुली दण्ड प्रमाण गर्दे सिंघिया खोलास्थित घाट गएका छन् ।
१५ औ पटक तीन किलोमिटर दण्ड प्रमाण गर्दै उनी छठको घाटस्थल सिंघिया खोला गएका हुन् । १५ बर्षयता हरेक बर्ष छठ माताको ब्रत बस्दै आएका पराजुलीले १५ औँ पटक दण्ड प्रणाम गर्दै सिंगिया नदीमा यस पटकपनि छठको पूजा गर्ने बताए ।
मेयरमा निर्वाचित भएपछि उनको यो दोस्रो छठ पुजा हो । हरेक बर्ष आफुले गर्दै आएको धार्मिक कार्यलाई यो बर्ष पनि निरन्तरता दिएको भीम पराजुलीले जानकारी दिए ।
धर्म प्रति बढी नै आस्था राख्ने पराजुलीले ब्रत बसी करिब ३ किलो मिटरको दुरी सुतेर चिनो लगाउदै नदीसम्म गएका छन् । मेयर पराजुलीले आफ्नो घर छेउमा रहेको शिव पाञ्चायन मन्दिरबाट मंगलवार दिउसो साढे १२ बजे दण्ड प्रणाम गर्दै घाट गएका हुन् ।
