विराटनगर, कात्तिक २९
विराटनगर जुनियर जेसिजले स्थापनाको २३ औँ वर्ष प्रवेश गरेकोे उपलक्ष्यमा सप्ताव्यापी कार्यक्रमको आयोजना गरेको छ । सताव्यापी कार्यक्रम अन्तर्गत पहिलो दिन बुधबार जेसिजले हाजिरी जवाफ प्रतियोगिता गरेको हो ।
इन्डिभिजुवल ग्रुप, कम्यूनिटि ग्रुप,विजनेश ग्रुप र इन्टरनेश्नल ग्रुप गरी ४ वटा समुहमा सञ्चालन गरिएको हाजिरी जवाफ प्रतियोगितामा इन्डिभिजुवल ग्रुप प्रथम भएको कार्यक्रमका मुख्य संयोजक दिपा ओडारिले जानकारी दिईन् । हाजिरी जवाफ प्रतियोगीताको संचालन उज्वल खरेलले गरेका थिए ।
स्थापनाको २३ औँ वर्ष प्रवेश गरेकोे उपलक्ष्यमा आयोजित कार्यक्रममा बोल्दै विराटनगर जुनियर जेसिजका अध्यक्ष मिलाप कर्णले जेसिजका यूवाहरुको ज्ञान अभिवृद्धि गर्ने उद्देश्यले वार्षिक उत्सव अन्र्तगत सो कार्यक्रमको आयोजना गरेको बताए ।
कार्यक्रमका प्रमुख अतिथि टि पी आचार्य, संस्थापक अध्यक्ष डा.सन्देश दास श्रेष्ठ, राष्ट्रिय जुनियर जेसिज संयोजक अभिनास थापा, भुतपूर्व अध्यक्ष प्रितेसराज दाहाल,पंकज सापकोटा लगायतले विराटनगर जुनियर जेसिसलाई शुभकामना व्यक्त गरेका थिए ।
