जनकपुरधाम : धनुषाको गणेशमान चारनाथ नगरपालिकामा बोल्न नसक्ने एक बालिकालाई चकलेटको प्रलोभन देखाएर एक युवकले बलात्कार गरेका छन् ।, याे खबर आजको राजधानी दैनिकमा छापिएकाे छ ।
गणेशमान चारनाथ नगरपालिका ५ तडियाकी ७ वर्षीया बालिका बलात्कृत भएकी हुन् । बलात्कार गर्ने स्थानीय युवक रोशन बस्नेतलाई प्रहरीले पक्राउ गरेको छ ।
सोमबार राति १० बजे अपाङ्गता भएकी बालिकालाई आमाकै काखवाट खोसेर नजिकैको उखुबारीमा लगी बस्नेतले बलात्कार गरेको ईलाका प्रहरी कार्यालय ढल्केबरका प्रहरी निरीक्षक सरोज राईले जानकारी दिए ।
बालिकाकी आमा पनि सुस्त मनस्थितिकी छन् । रोशनले मेरो दाई विदेशवाट आए चकलेट दिन्छु भन्दै आमालाई ढोका खोल्न लगाए । जब आमाले ढोका खोलिन् । रोशन बालिकालाई लिएर बेपत्ता भए ।
छोरीलाई काखवाटै खोसेर लगेपछि बालिकाकी आमाले छिमेकी गुहारिन् । स्थानीयले खोजतलास गर्ने क्रममा १ घण्टापछि बालिकालाई अर्थनग्न अवस्थामा घर नजिकैको चउरमा फेला परेकी थिईन् ।
रगतले लतपतिएकी अचेत अवस्थामा रहेकी बालिकालाई तत्कालै उपचारका लागि जिल्ला अस्पताल सिरहा लगिएको थियो, त्यहाँ उपचार सम्भव नभएपछि थप उपचारका लागि धरानस्थित वीपी कोइराला स्वास्थ्य विज्ञान प्रतिष्ठान लगिएको छ ।
