विराटनगर : भारतको पश्चिम बंगाल दक्षिण दिनाजपुरका अनिल नाट्टो आँखाको उपचारका लागि विराटनगर आँखा अस्पताल आएका थिए । उपचारका लागि भारु २०० को नोट लिएर आएका उनी नोट नचल्ने सुनेपछि अलमल्लमा परे ।
‘उपचारका लागि आउँदा भारु नोट लिएर आएका थियौँ ’ नाट्टोसँगै उपचारका लागि आएका बप्पी मल्लकारले भने–‘नोट बन्द हुँदा नम्बरी नोट कहाँ साट्ने भन्ने समस्या छ ।’
मल्लाकार नेपालमा भारु नोट प्रतिबन्ध भएको विषयमा जानकार थिएनन् ।नेपालमा नोट नचल्ने भएपछि उपचारका लागि आएकाहरु भारु साट्न सिमावर्ती बजार भारत पुग्ने गरेका छन् । आँखा उपचारकै लागि भारतको विहारस्थित सहर्साबाट आएका महेन्द्र पोद्दार पनि नोट बन्दीले नम्बरी(१०० को) नोट खोज्न समस्या भएको गुनासो गर्छन्।
विराटनगरको सिमावर्ती क्षेत्र रानीमा खुलेको विराटनगर आँखा अस्पतालमा उपचारका लागि आउने सेवाग्राहीमध्ये आधाभन्दा बढी भारतीय हुन्छन् ।
१००रुपैँया भन्दा माथिको नोटमा प्रतिबन्ध लागेपछि भारतबाट उपचारका लागि आउने निम्न वर्गीय सेवाग्राही मर्कामा छन् ।आँखा अस्पतालमा भारतबाट दैनिक ८०० देखि १००० जनासम्म सेवाग्राही आउँछन् ।,यो समाचार आजको उद्घोष दैनिकमा छापिएको छ ।
