विराटनगर,पुस ११
छोरीलाई दाइजो होईन शिक्षा देउ भन्ने नारासहित विराटनगरमा दाइजोबिरुद्ध ¥याली प्रर्दशन गरिएको छ । इस्लामी संघ नेपालको आयोजनामा सरौचियास्थित अमान नगरबाट निकालिएको ¥यालीले धरानरोड, महेन्द्रचोक, ट्राफिकचोकबाट मेनरोडहुंदै जिल्ला प्रशासन कार्यालयसम्म पुगेको थियो ।
उल्लेख्यरुपमा मुस्लिम समुदायका युवायुवती सहभागि रहेको ¥यालीका सहभागिले ‘छोरीलाई दाइजो होईन शिक्षा देउ’ नारा लगाएका थिए । उनीहरुले छोरीलाई पैत्रिक सम्पतिमा अंश देउ लगायत महिला अधिकारका पक्षमा नारा लेखिएका प्लेकार्ड समेत बोकेका थिए ।
¥यालीले नगरक्षेत्रको विभिन्न भागको परिक्रमापछि स्थानिय जिल्ला प्रशासन कार्यालय परिसरमा पुगेर कोणसभामा परिणत भएको थियो । कोणसभामा बोल्दैै आयोजक संस्थाका प्रदेश अध्यक्ष मौलाना जुल्फिकार अलिले दाइजोकोरुपमा पैसा माग्नु र सोहि कारण महिलालाई यातनादिनु मानव सभ्यता विपरीत कार्य रहेको बताए ।
उनले छोरीलाई दाइजो दिनुको साटो उनीहरुलाई पढाएर सक्षम र योग्य बनाउनुपर्ने बताए । कार्यक्रममा दाइजो बिरुद्धको कविता पाठ समेत गरिएको थियो । इस्लामी संघको देशब्यापी दाइजो बिरुद्धको अभियान अन्र्तगत विराटनगरमा जनचेतनामुलक ¥याली निकालिएको आयोजक समितिका सदस्य मोहम्मद अफजल हुसैन गुल्जारले जानकारी दिए ।
