विराटनगर : विराटनगर–१४ स्थित श्रीकृष्ण गौ सेवा सदनबाट गोबरबाट उत्पादित ग्याँसको प्लान्ट विस्तार हुन सकेको छैन ।सञ्चालनमा आएको ५ महिना वितिसक्दा समेत प्लान्ट विस्तार हुन नसकेको हो ।
प्रधानमन्त्री केपी शर्मा ओलीले दिएको आश्वासन कार्यान्वयन नहुँदा स्थानीयले चाहे अनुसार प्लान्ट विस्तार गर्न सञ्चालक असफल भएको हो ।, यो समाचार आजको उद्घोष दैनिकमा छापिएको छ ।
गत भदौ ५ गते थत श्रीकृष्ण गौ सेवा सदनबाट उत्पादित वायोग्याँस वितरण प्रक्रियाको प्रधानमन्त्री केपी ओलीले उद्घाटन गरेका थिए ।
अहिले स्थानीय ३२ घरले सेवा लिँदै आएका छन् । घरबाट एलपी ग्याँस सिलिण्डरको विदाई गरिसके ४८ ले चाँडै विदा पाउने बताएका थिए । तर उद्घाटनको ५ महिना वितिसक्दा पनि सेवा विस्तार भएको छैन ।
