मोरङको बेलबारीस्थित वेतना सिमसार नजिकै पुर्व–पश्चिम राजमार्गमा दिउँसो हजार ५ सयका नोट हावामा उड्न थाले । पैसा उडाउने को थिए पहिचान भएको छैन । सुन्दरहरैँचाका राजन निरौला र उत्सव दाहालले यसरी हावामा त्यसरी हावामा पैसा उडेको देखेका हुन् ।
उनीहरुका अनुसार, पुर्वबाट पश्चिमतर्फ तीव्र गतिमा कुदिरहेको मोटरसाईकल चालकको गोजीबाट हजार र पाँच सयको नोट हावामा उडेको हो । त्यसको केही समयमै मधुमल्लाका प्रेम खड्का र उर्लाबारीका नरेन्द्र खड्का पनि पैसा उड्दै गरेको देख्ने साक्षी भए ।
मोटरसाईकलको गति तीव्र भएकोले नम्बर टिप्न सम्भव नभएको उत्सव दाहाल बताउँछन् । उाीहरु चारै जना भएर सडकमा छरिएका पैसा संकलन गरे । हजारको १२ र ५०० को ८५ थान नोट भेटिएको उनीहरुले बताए ।
भेटिएको रकम इलाका प्रहरी कार्यलय बेलबारीलाई बुझाईएको छ भने शुक्रबार साँझसम्ममा कसको पैसा हो भनेर पत्ता नलागेको प्रहरीले जनाएको छ ।, यो समाचार आजको उद्घोष दैनिकमा छापिएको छ ।
