विराटनगर, पुस १८
मोरङको विराटनगर महानगरपलिका–१४ बाट ६६ हजार रुपैँया बराबरको अवैध समान बरामद भएको छ ।
आज दिउँसो ईलाका प्रहरी कार्यालय रानीबाट खटिएको प्रहरी टोलीले भारतको जोगवनीबाट अबैध रुपमा भन्सार छलि ल्याएको किराना समान, लत्ता कपडा र साईकल ९ थान गरी उक्त मुल्य बराबरको समान बरामद गरेको हो ।
बरामद भएको समान आवश्यक कारवाहीको लागि आजै विराटनगर भन्सार कार्यालयमा बुझाईएको ईलाका प्रहरी कार्यालय रानीले जनाएको छ ।
