विराटनगर, पुस २०
नेपाली कांग्रेसका सभापति शेरबहादुर देउवाले वर्तमान सरकार फ्लप भएको दाबी गरेका छन् । उनले दुई तिहाइको दम्भमा रहेको वर्तमान सरकारले अब देश चलाउन नसक्ने दावी समेत गरे । विराटनगर विमानस्थलमा शुक्रबार साँझ संचारकर्मीहरुसंग कुरा गर्दै सभापति देउवाले पोष्टर टाँगेर अब देश नचल्ने भएकाले यो सरकारबाट कामको अपेक्षा गर्न पनि नसकिने बताए ।
अर्को एक प्रसंगमा देउवाले वाइडबडी खरिद छानबिन प्रकरणमा कुनै मन्त्रीलाई कार्वाहीको सिफारित गरिएको बिषयमा जानकारी नभएको बताए । उनले वाइडबडी खरिद प्रकरणका दोषीलाई सरकारले वाह्य कानुन बनाएर कार्वाही गर्न सक्ने जानकारी दिए । उनले संसदीय उपसमितिले तयार पारेको प्रतिवेदन आफुले अध्ययन नगरेकाले अहिले सबै कुरा बाहिर ल्याउन आफुले नसक्ने जानकारी दिए ।
निर्मला पन्तको बलात्कार पछि हत्यामा संलग्नलाई सरकारले अहिलेसम्म कानुनी कठघरामा ल्याउन नसक्नु सरकारको लाचारीपन भएको उनले बताए । देउवाले प्रहरी प्रशासन समेतको संलग्नतामा प्रमाण मेटेर अपराधिलाई उन्मुक्ति दिने प्रयास भएको बताए । निर्मालाको बलात्कार पछि हत्या भएको घटना सानो कुरा नभएको भन्दै देउवाले निर्मालाको परिवारले न्याय नपाएसम्म यो विषय नेपाली कांग्रेसले यसै सेलाउन जान नदिने बताए ।
सभापति देउवाले काग्रेसका आगामी महाअधिवेशन समयमा नै हुने दाबी गरे । अर्ली महाधिवेशनको कुरा कसैले नउठाएको दाबि गर्दै महाधिवेशन समयमा नै सम्पन्न हुने उनले बताए । कर्मचारी समायोजन तथा प्रदेशमा जान नमान्ने कर्मचारीहरुलाई कारवाहि गर्ने कुरा सरकारले बताइरहेको बेला देउवाले भने कर्मचारीलार्य कारवाहि गर्नुभन्दा थप सेवा सुविधा बढाएर पठाउनुपर्ने बताए । कर्मचारी अभावमा प्रदेशका काम कारवाहिमा समस्या देखिरहेको बताउँदै उनले कर्मचारीलाई आतंकीत बनाएर भन्दापछि उनीहरुलाई थप इन्सेन्टिभ दिनुपर्ने उनको भनाई थियो ।
