विराटनगर,पुस २१
आर्थिक अभावका कारण उपचारमा समस्या झेल्दै आएका मोरङ पथरीशनिश्चरेका मृगौलापीडित सम्सेर बहादुर विकलाई सहयोग गरेर ज्यान बचाईदिन परिवारका सदस्यले अपिल गरेका छन् । पैसा नभएकै कारण श्रीमान गुमाउँनुपर्ने अवस्था आएको भन्दै सम्सेरकी श्रीमती सान्ताले श्रीमानको ज्यान बचाईदिन अपिल गरेकी हुन् ।
बिगत एक महिनादेखि दुवै मृगौलामा समस्या देखिएपछि सम्सेर अहिले बिराटनगर स्थित नोबेल शिक्षण अस्पतालमा उपचाररत छन् । बैदेशिक रोगजारीका लागि साउदी पुगेका ३७ बर्षीय सम्सेरको मृगौलामा समस्या देखिएपछि नेपालबाटै पैसा पठाएर घर फर्काइएको हो ।
अहिले नोबेल अस्पतालमा नियमित डाईलाईसिस गराईरहेका सम्सेरलाई तीन महिनाभित्र मृगौला प्रत्यारोपण गराईसक्न डाक्टरले सुझाव दिएका छन् । तर, कमजोर आर्थिक अवस्थाका कारण मृगौला प्रत्यारोपण गर्न नसकेको भन्दै श्रीमती शान्ताले सहयोगको अपिल गरिन् ।
‘अलिअलि भएको पैसा पनि उपचारकै क्रममा सकियो, अव श्रीमानलाई बचाउँन म सँग कुनै उपाय छैन । भावुक हुदै उनले भनिन् ‘हाम्रो बिजोक हुनबाट जोगाईदिन सवैलाई अनुरोध गर्छु । सहयोगका लागि ९८२३५७२४४८ मा सम्पर्क गरी सिद्धार्थ बैंकको खाता नम्बर ००७१५१५४१३४ मा रकम जम्मा गरिदिन शान्ताले सवैमा अनुरोध गरेकी छन् ।
