विराटनगर, पुस २८
सामाजिक संस्था परिवर्तनका लागि हातेमालोको कटहरी शाखाले चौथो हप्ताको सरसफाई कार्यक्रम सम्पन्न गरेको छ । समाज परिवर्तन युवाको काँधमा भन्ने मुल नाराका साथ सरसफाईमा जुटेको सो संस्थाले चौथो हप्तामा आज कटहरी–४ सुधामा चोक देखि श्री आधारभूत विद्यालय सम्म सरसफाई गरेको हो ।
सँधैको हप्ता झैँ आजपनि स्थानीयको उत्साहजनक को उपस्थितीमा सरसफाई कार्यक्रम गरिएको संस्थाको सचिब क्रिस्ती ठाकुर ले बताइन् ।सरसफाई अभियानमा स्थानीयहरुले साप्ताहिक रुपमा एक घण्टा परिवर्तनका लागि हातेमालोलाई सहयोग गर्ने प्रतिबद्धता जनाएको अध्यक्ष संजित साहले जानकारी दिए । अध्यक्ष साहले अब निरन्तर रुपमा यस्ता कार्यक्रमको आयोजना गर्ने बताए ।
