विराटनगर, पुस ३०
रङगेली नगरपालिका– ८ बडाहाडागीका विपन्न, असह्राय बगर्का स्थानीयवासीहरुलाई ९० थान कम्बल बितरण गरिएको छ ।समुदाय प्रहरी साझेदारी कार्यक्रम अन्तरगत जिल्ला प्रहरी कार्यालय मोरङको आयोजनामा सोमबार बिहान समुदायसंग चिया कार्यक्रम तथा कम्बल बितरण गरिएको हो ।
१ नम्बर प्रदेश प्रहरी प्रहरी प्रमुख प्रहरी नायव महानिरीक्षक केदार रिजालको प्रमुख आतिथ्यतामा सम्पन्न भएको सो कार्यक्रममा स्थानीयवासीहरुसंग छलफल तथा बिपन्न, असह्राय बगर्का स्थानीयवासीहरुलाई ९० थान कम्बल बितरण गरिएको थियो । गोरधनदास कमलावती परोपकारी प्रतिष्ठान बिशाल ग्रुपले उपलब्ध गराएको ९० थान न्यानो कम्बल १ नम्बर प्रदेश प्रहरी प्रमुख प्रहरी नायव महानिरीक्षक केदार रिजाल, रंगेली नगरपालिकाका मेयर दिलिप बगडिया र जिल्ला प्रहरी कार्यालय मोरङका प्रमुख प्रहरी उपरीक्षक मनोज कुमार केसीले बितरण गरेका थिए ।
कार्यकममा स्थानीयहरुबासीहरुबाट आएको गुनासो सम्बोधन गर्दै १ नम्बर प्रदेश प्रहरी प्रमुख प्रहरी नायव महानिरीक्षक केदार रिजालले नागरीकहरुको हरेक दुख सुखमा प्रहरी साथ रहेको बताउँदै स्थानीयस्तरमा भएका समस्याहरुलाई निर्धक्कसाथ प्रहरीलाई जानकारी गराउन र बेलैमा सूचनाहरु दिएमा प्रहरीले आमनागरिकको सुरक्षामा कति पनि कन्जुस्याई नगर्ने बताए ।
कार्यक्रममा रङ्गेली नगरपालिकाका प्रमुख दिलिप बगडियाले प्रहरी, जनप्रतिनिधीहरु र स्थानीय नागरीकहरु एक अर्कामा सहकार्य गर्दे अगाडी बढेमा मात्र समृद्ध र सुरक्षित हुने धारणा राखेका थिए ।
त्यस्तै मोरङ जिल्ला प्रहरी प्रमुख केसीले पिछाडिएको बर्ग र स्थानहरुमा प्रहरीको पहुँच र्पुयाउने उदेश्यले समुदायसंग चिया भन्ने कार्यक्रमलाई अगाडी सारिएको बताउँदै यस्ता कार्यक्रमलाइ निरन्तरता दिने बताएका थिए । कार्यक्रममा स्थानीय जनप्रतिनिधिहरु, सुरक्षाकर्मी, संचारकर्मी लगायत २०० भन्दा बढीको उपस्थिति रहेको थियो ।
