एजेन्सी, माघ १४
तीन खेलको एकदिवसीय अन्तर्राष्ट्रिय क्रिकेट सिरिजको अन्तिम खेलमा नेपाललाई युएईले २५५ रनको लक्ष्य दिएको छ ।
आईसीसी क्रिकेट एकेडेमीमा टस हारेर पहिले ब्याटिङ गरेको युएईले निर्धारित ५० ओभरमा ६ विकेटको क्षतिमा २ सय ५४ रन बनाएको हो । युएईका अग्रपंक्तिका ब्याट्सम्यानले राम्रो गर्न नसके पनि मध्यमक्रमका ब्याट्सम्यानले उत्कृष्ट प्रदर्शन गरेका थिए ।
युएईका लागि सिपी रिजवानले ४५, मोहम्मद उस्मानले २६ र घुलाम शब्बेरले १८ रन बनाए । नेपालका लागि करण केसीले दुई विकेट लिए । त्यस्तै, सन्दीप लामिछाने, कप्तान पारस खड्का र सोमपाल कामीले समान १–१ विकेट लिए । अहिले नेपालले लक्ष्य पच्छाइरहेको छ ।
