एजेन्सी, माघ १६
देशका पूर्वाधार निर्माणमा निरन्तर लागि परेका धुर्मुश-सुन्तलीले चितवनमा अन्तरास्ट्रिय स्तरको रंगशाला निर्माण गर्ने जिम्मा लिएका छन् । २० विगाह ८ कठ्ठा क्षेत्रफलमा बन्ने रंगशालाको नाम गौतम बुद्ध अन्तर्राष्ट्रिय क्रिकेट रंगशाला नाम हुने बताइएको रंगशालाको छेत्रफल कुल २० विगाह ८ कठ्ठा हुनेछ । गुरुयोजना तयार भएको २ वर्षभित्र रंगशाला निर्माण गरी महानगरलाई हस्तान्तरण गरिने फाउन्डेसनका प्रमुख सीताराम कट्टेल धुर्मुसले बताएका छन् ।
३ अर्ब लागत लाग्ने उक्त रंगशाला देश–विदेशका नेपालीहरुबाट प्राप्त हुने स्वैच्छिक सहयोगबाट आर्थिक स्रोत जुटाइने फाउन्डेसनका अध्यक्ष धुर्मुसले बताएका छन् । ३० हजार दर्शक थाम्न सक्ने उक्त रंगशाला निर्माण गर्दा धेरै नै आर्थिक सहयोग जुट्नु पर्ने उनको भनाइ रहेको छ ।
यस्तो छ थ्री-डि डिजाइन
बहुउपयोगी हुने यो रंगशालाभित्र फुटबल, भलिबल बास्केटबल, ब्याडमिन्टन, फिटनेस सेन्टरदेखि डन्डिबियोसम्म खेल्न सकिने छ । डी भिडियोमा रंगशालाको बाहिरी भाग पनि निकै आकर्षक देखिन्छ । बाहिरी भागमा नेपाल चिनाउने सम्पदाहरु समावेश गरिनेछ । जसमा एक सिंगे गैंडा, हात्ती, पाटेबाघ लगायत जनावरहरुको धातुको मुर्ति रहनेछन् । त्यस्तै नेपालका पर्यटकीय स्थलहरुलाई चिनाउने सामग्रीहरु पनि राखिनेछन् । खेल अभ्यासका लागि दुई वटा खेलमैदान रहनेछन् । क्रिकेट खेलाडीहरु उत्पादन गर्न एकेडेमी पनि रंगशालाभित्र रहनेछ । समग्रमा रंगशालालाई स्पोट्र्स हबका रुपमा विकास गर्ने बताइएको छ ।
देशका पूर्वाधार निर्माणमा निसंकोच लागि पर्ने धुर्मुश-सुन्तली फाउन्डेसनलाइ आगामी दिनको लागि उत्तर-उत्तर प्रगतिको सुभकामना दिन चाहन्छौ ।
