विराटनगर,माघ २२
पत्रकारहरुमात्र सदस्य रहेको मोरङको संचारकर्मी संचार सहकारी संस्थाले तीन जनालाई सम्मान गरेको छ । संस्थाको मंगलबार विराटनगरमा सम्पन्न सातौं वार्षिक साधारण सभाको अवसरमा असल ऋणी टिकाराम भुजेल, उत्कृष्ट बचतकर्ताहरु कुमोद अधिकारी र रोशन बुढाथोकीलाई सम्मान गरेको हो ।
प्रदेश १ का संघीय समाजवादी फोरमका संसदीय दलका नेता जयराम यादव र उद्योगी दिनबन्धु गोयलले पत्रकारहरुलाई दोसल्ला ओढाएर सम्मान गरेका थिए । उद्घाटन कार्यक्रममा बोल्दै यादवले प्रदेश सरकारका तर्फबाट हालै प्रदेश सभामा सहकारी संचालन सम्बन्धी विधेयक दर्ता भएको र यसलाई व्यापक छलफलपछि ऐनको रुपमा ल्याउने तयारी भएको जानकारी दिए । यस्तै उद्योगी गोयलले क्षेत्रगत रुपमा खुलेका सहकारीले आर्थिक चलायमान बढाएको चर्चा गरे ।
