विराटनगर, चैत १४
सुनसरीको बराहक्षेत्र नगरपालिका–१ चतराघाटको कोशी पुलमा बिहीवार ट्रकबाट लडेर सोही ट्रकका सह–चालकको मृत्यु भएको छ । चतरामा हुने कुम्भ मेलाको लागि बाँस लोड गरेर ल्याउँदै गरेको को १ ख २५६९नम्बरको ट्रक घुमाउरो बाटोमा मोड्ने क्रममा बिहान साढे १० बजे ट्रकबाट लडेर सह–चालक उदयपुर बेलका नगरपालिका–८ बस्ने १९ वर्षीय हेमन्त मगर गम्भीर घाइते भएका थिए ।
लडेर गम्भीर घाइते भएका मगरलाई उपचारको लागि धरान स्थित वि.पी. कोईराला स्वास्थ्य विज्ञान प्रतिष्ठान पठाईएकोमा उचारको क्रममा बिहान सवा ११ बजे मृत्यु भएको इलाका प्रहरी कार्यालय महेन्द्रनगरले जनाएको छ । दुर्घटना पश्चात ट्रकका चालक फरार रहेकोले खोजीकार्य भईरहेको र ट्रकलाई इलाका प्रहरी कार्यालय चतराको नियन्त्रणमा राखिएको उक्त कार्यालयले जनाएको छ ।
