विराटनगर, चैत २३
लियो क्लब अफ विराटनगर युनिकले सुनसरीको कोशी गाउँपालिका–४ का अग्नी पिडतलाई राहत वितरण गरेको छ । शुक्रबार विहान आगलागीबाट पिडित बनेका ९ घर परिवारलाई सो क्लबले उद्योग, पर्यटन, वन तथा वातावरण मन्त्री जगदीस प्रसाद कुसियतको पहलमा ४० हजार रुपैयाँ बराबरको खाद्यान्न तथा लत्ताकपडा वितरण गरेको हो ।
राहत लियो क्लब अफ विराटनगर युनिकका प्रथम उपाध्यक्ष पेरिस सुवेदी, उद्योग, पर्यटन, वन तथा वातावरण मन्त्री जगदीस प्रसाद कुसियतका प्रमुख स्वकिय सचिव विष्णु यादव, स्थानीय समाजसेवी अजय कुसियतले हस्तान्तरण गरे ।
