एजेन्सी,बैशाख १५
दिल्ली क्यापिटल्स जारी इन्डियन प्रिमियर लिग (आईपीएल)को प्लेअफमा पुगेको छ ।आईतबार रोयल च्यालेन्जर्स बेंगलोरलाई १६ रनले पराजित गर्दै अंक तालिकाको शीर्षस्थानमा पुगेको दिल्लीले सन् २०१२ पछि पहिलो पटक प्लेअफ स्थान पक्का गरेको हो ।
दिल्लीको घरेलु मैदान फिरोज शाह कोटलामा १ सय ८८ रनको विशाल लक्ष्य पछ्याएको बेंगलोरले निर्धारित २० ओभरमा ७ विकेटको क्षतिमा १ सय ७१ रन बनायो । बेंगालोरका लागि पार्थिव पटेलले २० बलमा ७ चौका र १ छक्का प्रहार गर्दै ३९ रनमा अक्षर पटेलबाट क्याच आउट भए । छैटौं ओभरको पाँचौ बलमा रवडाले पटेललाई क्याच आउट गराएका थिए । कप्तान विराट कोहली १७ बलमा २ चौका र १ छक्का प्रहार गर्दै २३ रनमा क्याच आउट भए । कोहली र पटेलले पहिलो विकेटका लागि ५।५ ओभरमा ६३ रनको सानदार सुरुवात दिलाएका थिए ।
एवि डी भिलियर्स १७,शिवम दुबे २४,हेनरिक क्लासेन ३,गुरर्कीत सिंह २७ रनमा आउट भए । मार्कस स्टोइनिस ३२ रनमा अविजित रहे । दिल्लीको जितमा कागीसो रबडाले २,अक्षर पर्टेल,इसान्त शर्मा र शेरफेन दरफरर्डले समान एक विकेट हात पारे ।
त्यस अघि टस जितेर पहिला ब्याटिङ थालेको दिल्लीले निर्धारित २० ओभरमा ५ विकेटको क्षतिमा १ सय ८७ रन बनायो । दिल्लीका लागि ओपनर शिखर धवन र कप्तान श्रेयस ऐरले अर्ध शतक प्रहार गरे । १३ ओभरको दोस्रो बलमा वाशिन्टन सुन्दरबाट युजवेन्द्र चाहलले क्याच आउट गराउनु अघि धवनले ३७ बलमा ५ चौका र २ छक्का प्रहार गर्दै ५० रनमा आउट भए ।
कप्तान श्रेयस ऐरले ३७ बलमा ३ छक्का र २ चौका प्रहार गर्दै ५२ रनमा आउट भए । ऐरलाई सुन्दरले १६ ओभरको तेस्रो बलमा कप्तान विराट कोहलीबाट क्याच आउट गराए । ऐर र धवनले दोस्रो विकेटका लागि ६८ रनकोे साझेदारी गर्दै राम्रो सुरुवात दिलाए । दिल्लीका मिडिल अडरका ब्याट्सम्यान भने सस्तैमा आउट भए । पृथ्वी शा १८,ऋषभ पन्त ७,कोलिन इनग्राम ११ रनमा आउट भए ।
तल्लो क्रमका अक्षर पटेल शेरफेन रदरफोर्ड आक्रमक ब्याटिङ गर्दै दिल्लीलाई विशाल योगफल सम्म पुर्याए । शेरफेनले १३ बलमा १चौका र ३ छक्का प्रहार गर्दै २८ रनमा अविजित रहे । पटेलले ९ बलमा ३ चौका प्रहार गर्दै १६ रनमा अविजित रहे । बेंगलोरका युजवेन्द्र चाहलले २,उमेश यादव,वाशिन्टन सुन्दर र नन्दीप सैनीले समान १ विकेट हात पारे ।
सन्दीपलाई मात्र तीन ओभर, विकेट विहीन बने
सन्दीपलाई दिल्लीले तेस्रो ओभरमा बलिङ गर्न ल्याएको थियो । पहिलो र दोस्रो बलमा पार्थिव पटेलले चौका प्रहार गरे । तेस्रो बलमा एक रन लिदै पार्थिवले स्ट्राइक विराट कोहलीलाई दिए । कोहलीले चौथो बलमा एक रन लिए । पाँचौ बलमा सन्दीपलाई पटेलले पुन चौका प्रहार गरे । अन्तिम बलमा १ रन लिदै स्ट्राइक आफ्नो साथमा राखे ।
दिल्लीले सन्दीपलाई ११ औं ओभरमा पुन मौका दिएको थियो । पहिलो बलमा एवी डी भिलियर्स र दोस्रो बलमा शिभव दुबेले एक – एक रन लिए । तेस्रो बलमा डिभिलियर्सले पुन एक रन लिए । चौथो बलमा दुबेले १ रन लिए । पाँचौ बलमा ए बी डिभिलियर्सले १ रन लिदा अन्तिम बलमा दुबेले छक्का प्रहार गरे ।
१६ औं ओभरको पहिलो बलमा सन्दीपले मार्कस स्टोइनिसलाई डट गराए । दोस्रो बलमा स्टोइनिसले कडा छक्का प्रहार गरे । अन्य चार बलमा भने सन्दीपले ४ रन मात्र दिए । चारै रन सिंगल थियो ।
यो जितसँगै दिल्लीले १२ खेलमा ८ मा जित र ४ मा हारका साथ शीर्ष स्थानमा उक्लिएको छ । बेंगलोर भने १२ खेलमा ८ मा हार र ४ मा जितका साथ पुछारमा रहेको छ । चेन्नई सुपर किंग्सले १२ खेलमा ८ मा जित र ४ मा हारका साथ प्ले अफमा पुगि सकेको छ ।
