१३ जेठ २०७६,विराटनगर
उद्योग, वाणिज्य तथा आपूर्तिमन्त्री मातृकाप्रसाद यादवले विराटनगर जुट मिललाई सञ्चालन गरी जिउँदो संग्रहालयमा परिणत गर्ने तयारी भईरहेको बताएका छन । मोरङ ब्यापार संघको ६४ औ वार्षिक साधारणसभामा सहभागि हुन विराटनगर आएका मन्त्री यादवले विमानस्थलमा पत्रकारहरुसँग कुराकानी गर्दे जुट मिल एउटा परिवर्तनको प्रतिकको रुपमा रहेको बताउदै मिललाई वर्तमान सरकारको संग्रहालयमा परिणत गर्ने सोच बनाईरहेको बताएका हुन । मन्त्री यादवले चिनी उद्योगी वच्नु पर्ने, उपभोक्ताले सुपथ मूल्य वस्तु पाउनु पर्ने र किसानले समयमा रकम भुक्तानी पाउनुपर्ने अवधारणाको सोच अनुसार सरकारले काम गरिरहेको भन्दै ती क्षेत्रका समस्या चाँडै समाधान हुने विश्वास पनि व्यक्त गरे । उद्योग मन्त्री यादवले रुग्ण सरकारी उद्योगहरु पुनः संचालनमा ल्याउने तयारी गरिरहेको पनि बताए । उच्च अदालतको न्यायाधीसको नेतृत्वमा गठन गरिएको आयोगले दिने प्रतिवेदन पछि सरकारद्वारा सञ्चालित रुग्ण उद्योगहरु व्यवस्थित गरेर संचालन गरिने वताए । उनले गोरखामा रहेको रवर उद्योग, वीरगञ्ज चिनी कारखानालाई चाडै व्यवस्थित गरेर संचालन गरिने बताए। विगत पाँच वर्षको अवधिमा सरकारले बन्द रहेको गोरखकाली रवर उद्योगका कर्मचारीहरुलाई मात्र १ अर्व १० करोड भुक्तानी गरेको मन्त्री यादवले जानकारी दिए । विगतको सरकारले निजी क्षेत्रलाई सरकारका उद्योग कौडीको मूल्यमा विक्रि गरेको आरोप लगाउदै मन्त्री यादवले आगामी दिनमा सरकारले निजी साझेदारीको अवधारमा अनुसार सरकारी उद्योग सञ्चालन गर्ने वताए ।
