२१ असार, काठमाडौँ ।
भूकम्पबाट क्षति भएको घर पुनर्निर्माण गरेकाहरुको घर अझैसम्म बीमा हुन सकेको छैन । ८ लाख घरधुरीलाई प्रतिघर ५ सय रुपैयाँको दरले जोखिम बहन गर्ने भनिएको बीमा व्यवस्था काजगमै सीमित भएको हो ।
राष्ट्रिय बीमा कम्पनी श्रोतका अनुसार बिमितले पाउनु पर्ने अर्बौँ रकम राष्ट्रिय पुनर्निर्माण प्राधिकरणले उपलब्ध नगराएको हो । बीमा गराउने निर्णय नै हतारमा गरिएकाले यो अवस्थाको सिर्जना भएको हो–कम्पनीका एक उच्च अधिकारीले भने ।
यस सम्बन्धमा राष्ट्रिय पुनर्निमाण प्राधिकरणका प्रवक्ता पिताम्बर घिमिरेले भने–‘हामीले कार्र्यविधि त तयार गरेका हौँ, तर सो प्रक्रियामै रोकिएको छ ।’ उनले दिएको जानकारी अनुसार सोही बीमाको विषयलाई लिएर विभिन्न समयमा छलफल हुने गरेको बताए । साथै, कार्यविधि नै पारित भइनसकेकाले नतिजा नदेखिएको बताए ।
५ वर्षको एकमुष्ट रकम राष्ट्रिय पुनर्निमाण प्राधिकरणले बीमा कम्पनीलाई दिने निर्णय भएको छ । सो निर्णय अनुसार नै समिति समेत गठन भएको थियो । उक्त समितिमा पुर्निर्माण प्राधिकरणका सिईओदेखी राष्ट्रिय बीमा कम्पनीको एकजना कर्मचारी समेत आवद्ध छन् ।
पुनर्निमाण गरिने घरलाई पहिलो बर्षको पैसा पुनर्निमाण प्राधिकरणले उपलब्ध गराउने भनिएको थियो ।
यता, पुनर्निर्माणको विषयमा प्राधिकरणले आफ्नो तर्फबाट काम गरिरहेको जानकारी दिएको छ । कामले पूर्णता नपाएकाले मात्रै सो विषयमा केही अन्यौलता सिर्जना भएको हो । आगामी दिनमा बीमाका मुद्दा समाधान हुँदै जाँदा यस्ता समस्या कम हँदै जाने पुनर्निमााण प्राधिकरण बताउँछ ।
२०७२ सालको भूकम्पले गोरखा, धादिङ्, नुवाकोट, सिन्धुपाल्चोक, काठमाडौ, ललितपुर, दोलखा लगायतका जिल्लामा धनजनको ठूलो क्षति भएको थियो ।(विकास न्युजबाट)
