२६ असार, कन्चनपुर ।
कञ्चनपुरका एक व्यक्तीले आफ्नै छोरीलाई बलात्कार गरेका छन् । कन्चनपुरको पुनर्वास नगरपालिका १ का ३९ वर्षीय नेपालीले १४ वर्षीया छोरीलाई बलात्कार गरेका हुन् ।
मंगलबार राति उनले घरमै छोरीलाई बलात्कार गरेर भिडियो समेत बनाएका थिए । बाबुले जेठी दिदीलाई बलात्कार गरेको भिडियो कान्छी छोरीले मोवाईलमा देखेपछि आमालाई बताएकी थिइन् । बलात्कृत किशोरीकी आमाले भनिन् ‘मैले पनि भिडियो देखेरै थाहा पाएकी हुँ । ,
इलाका प्रहरी कार्यालय पुनर्वासले छोरीलाई बलात्कार गरेको आरोपमा बुधबार राति नेपालीलाई प्रहरीले घरबाटै पक्राउ गरेको छ । इलाका प्रहरी कार्यालय पुनर्वासका निमित्त इन्चार्ज भुपाल सिंह थापाले घटनाबारे थप अनुसन्धान भइरहेको बताए ।
