५ साउन, झापा ।
झापाको मेचीनगर नगरपालिका–६ भन्सार गेट अगाडिबाट नियन्त्रित लागुऔषध ब्राउनसुगरसहित २ जना पक्राउ परेका छन । मोटरसाईकलमा भारतबाट नेपालतर्फ ल्याउँदै गरेको ३ ग्राम ब्राउनसुगरसहित मोटरसाईकल चालक झापा कमल गाउँपालिका–४ केर्खा बस्ने ३१ बर्षिय मोहन सुबेदी र पछाडी सवार सोही गाउँपालिका–३ बस्ने २८ बर्षिय युवराज गुरुङलाई आईतबार प्रहरीले पक्राउ गरेको हो ।
आइतबार दिउँसो साढे ३ बजे भारतबाट नेपाल तर्फ आउँदै गरेको मे १० प १६८७ नम्बरको मोटरसाईकलमा सबार उनीहरुलाई रोकेर चेकजाँच गर्ने क्रममा मुखमा हाली ल्याएको ३ ग्राम ब्राउन सुगर फेला परेको ईलाका प्रहरी कार्यालय काकडभिट्टाले जनाएको छ । लागुऔषध सहित पक्राउ परेका दुबैजनालाई ईलाका प्रहरी कार्यालय काकडभिट्टामा राखि थप अनुसन्धान भईरहेको उक्त कार्यालयले जनाएको छ ।
