६ साउन, विराटनगर ।
प्रतिबन्धित लागूऔषधसहित मोरङ र झापाबाट प्रहरीले ४ जनालाई पक्राउ गरेको छ । मोरङको केराबारी गाउँपालिका–१० बगैँचा चोकबाट प्रहरीले लागुऔषध गाँजा सहित २ जनालाई पक्राउ गरेको छ । इलाका प्रहरी कार्यालय केराबारीबाट खटिएको प्रहरी टोलीले ३ किलो गाँजा सहित सोही ठाउँ बस्ने १८ वर्षीय गणेश तामाङ र जिग्री भुजेललाई पक्राउ गरेको हो ।
सोमवार बिहानको राती २ बजेको समयमा शंकास्पद अवस्थामा हिडिरहेका उनीहरुलाई चेकजाँच गर्ने क्रममा ३ किलो लागूऔषध गाँजा फेला पारि दुवै जनालाई इलाका प्रहरी कार्यालय केराबारीमा राखि थप अनुसन्धान भईरहेको उक्त कार्यालयले जनाएको छ ।
त्यसैगरी आईतवार साँझ करिब ७ बजको समयमा झापाको मेचीनगर नगरपालिका–६ भन्सार गेट अगाडीबाट खैरो हेरोईन सहित २ जनालाई पक्राउ गरेको हो । लागूऔध नियन्त्रण ब्यूरो काँकडभिट्टाबाट खटिएको प्रहरी टोलीले ६ सय मिलिग्राम खैरो हेरोईन सहित ईलामको सुर्योदय नगरपालिका–१०फिक्कल बस्ने ३१ वर्षीय अमित लिम्बु र झापा बुद्धशान्ति गाउँपालिका–४बस्ने २१ वर्षीय किशन बेगालाई पक्राउ गरको हो ।
भारतबाट नेपालतर्फ आउँदै गरेको बा ६७ प १२८५ नम्बरको मोटरसाईकलमा सवार उनीहरुलाई चेकजाँच गर्ने क्रममा मुखमा हालेर लुकाई छिपाई ल्याउँदै गरेको उक्त परिमाणको खैरो हेरोईन बरामद गरेको थियो । पक्राउ परेका दुवै जनालाई इलाका प्रहरी कार्यालय काँकडभिट्टामा राखि थप अनुसन्धान भईरहेको उक्त कार्यालयले जनाएको छ ।
