१२ साउन, काठमाडौँ ।
छिमेकी राष्ट्र भारतको विहारस्थित मोतिहारीमा सम्पन्न कलाम युथ कन्फरेन्समा विराटनगरका युवा अभियन्ता चाँदबाबू इराकीले अवार्ड प्राप्त गरेका छन् ।
नेपाल, बगंलादेश, भारत तथा श्रीलंका लगायत देशका १ सय ५०भन्दा बढी युवाहरुका माझ उनलाई अवार्ड प्रदान गरिएको छ । सो अवसरमा प्रमुख अतिथी रहेकी भारतीय चलचित्र निर्देशक गुलरेज सहजाद,विशिष्ट निर्देशक सहजाद सहित अर्चना भट्टचार्य, कलाम युथ कनफरेन्सका अध्यक्ष मोहम्मद डानिस ख्वाब, फाउन्डेसनका अध्यक्ष मुन्ना कुमार लगायतले ईराकीलाई अवार्डसहित सम्मान गरेका थिए ।
कार्यक्रमममा प्रमुख अतिथी रहेकी हजादले युवाहरुको सहभागितामा धेरै ठूला कामहरु सफल भएको बताइन् । सोही अवसरमा इराकीले १५० भन्दा बढी सहभागी युवालाई सम्बोधन गरेका थिए । सम्बोधनका क्रममा ईराकीले सहभागि युवालाई भविष्यमा लक्ष्यप्रति उत्प्रेरित रहन आग्रह गरेका थिए ।
भारतका पूर्व राष्ट्रपति एपिजे अब्दुल कलामको योगदानलाई कदर गर्दै हरेक बर्ष उनको स्मृति दिवसका दिन उक्त कार्यक्रमको आयोजना गरिँदै आएको छ ।
