१३ साउन, विराटनगर ।
प्रदेश १ को ट्राफिक ब्यवस्थापन र सडक सुशासनका लागि प्रदेश सरकारले १ नम्बर ट्राफिक प्रहरी कार्यालयलाई ७८ लाख बराबरका सामग्री प्रदान गरेको छ ।प्रदेश १ आन्तरिक मामिला तथा कानून मन्त्रालयले सडक सुशासन, सवारी दुर्घटना न्यूनिकरण तथा ट्राफिक ब्यवस्थापनका लागि ७७ लाख ९ हजार ९ सय ९० रुपैया मुल्य बराबरका सामग्री प्रदान गरेको हो ।
प्रदेश सरकारका आन्तरिक मामिला तथा कानून मन्त्री हिक्मतकुमार कार्कीले १ नम्बर प्रदेश ट्राफिक प्रहरी कार्यालय इटहरीलाई ती सामग्री हस्तान्तरण गरेका हुन् । हस्तान्तरण गरिएको सामग्रीमा ७ थान राडरगन मेसिन, २० थान ब्रेथलाईजर, १ सय थान ह्विल लक रहेको १ नम्बर प्रदेश ट्राफिक प्रहरी कार्यालय इटहरीले जनाएको छ ।
जसमा ४८ लाख १७ हजार १ सय ९० रुपैँया बराबरको राडरगन मेसिन रहेका छन भने २४ लाख ६३ हजार ४ सयको ब्रेथलाईजर र ४ लाख २९ हजारको ह्विल लक रहेका छन ।
