साउन २३, विराटनगर । पछिल्ला दिनमा चोरीका घटनाहरु दिनदिनै बढ्न थालेका छन् । केही दिन अघिमात्र विराटनगरको महेन्द्र चोकमा मोबाइल पसल चोरी भएको थियो ।
त्यो घटनाका दोषीलाई प्रहरीले पक्राउ गर्न नपाउँदै बुधबार राति फेरि विराटनगरको दुई वटा पसलमा चोरी भएको छ । विराटनगर महानगरपालिका र वडा प्रहरी कार्यालय नजिकै रहेको पञ्चकन्या ट्रेडलिङ्क र गणनायक मार्केटिङ हाउसमा चोरी भएको हो ।
पञ्चकन्या ट्रेडलिङ्कबाट ४ लाख चोरी भएको र गणनायक मार्केटिङ हाउसबाट ५० हजार चोरी भएको जिल्ला प्रहरी कार्यालय मोरङका डीएसपी राजकुमार खिउजुले बताए । घटनाको बारेमा अनुसन्धान जारी रहेको डीएसपी खिउजुले बताएका छन् ।
