साउन २७, विराटनगर । विराटनगरमा भएको टिपर दुर्घटनामा एक साइकल यात्री घाइते भएका छन् ।
विराटनगर–रानी सडकखण्डमा सोमबार बिहान भएको सडक दुर्घटनामा परि विराटनगर १४ का ३० बर्षिय नारायण झा घाइते भएका छन्।
रानीबाट रोडशेषतर्फ आउदै गरेको ना ७ ख ९६४१ नम्बरको टिपरले साल्ट ट्रेडिंग नजिकै साइकल यात्री झालाई ठक्कर दिएको थियो ।
दुर्घटनाका कारण झाको दाहिने हात र घुंडामा गम्भीर चोट लागेको छ भने उनि चढेको साइकल समेत क्षतिग्रस्त भएको छ । घटना पछि पुगेको प्रहरीले घाईते झालाई उपचारकालागि अस्पतालतर्फ लगेको थियो ।
जतुवा तर्फको भित्री सडकबाट मुल सडकमा आउदै गरेका साइकल सवार झा अचानक मुल सडकमा आएपछि दुर्घटना भएको टिपर चालक बेलबारी ३ का ४३ बर्षिय राजकुमार धिमालले बताए ।
दुर्घटनाका कारण टिपरको चक्का मुनि परेका झा संयोगले बांच्न सफल भएको प्रत्यक्षदर्शीले बताएका छन्।
