भदौ १७, विराटनगर । ट्वाईलेटको हज र बोरिङ नजिकै भएका कारण विराटनगरस्थित एक पानी उद्योगलाई तत्काकालागि उत्पादन नगर्न भन्दै रोक लगाइएको छ ।
खाद्यप्रविधि तथा गुण नियन्त्रण कार्यालयले विराटनगर ७ मा रहेको ऊँ जे.के. पानी उद्योगलाई तत्कालकालागि पानी उत्पादन नगर्न भन्दै रोक लगाएको हो ।
उपभोक्ताको गुनासो पछि खाद्यनिरीक्षक शङ्कर न्यौपानेको नेतृत्वमा पुगेको अनुगमन टोलीले ट्वाईलेटको हज र पानी उत्पादनकालागि गरिएको बोरिङ नजिक रहेको फेलापारेपछि सो उद्योगले उत्पादन गरेको पानीको नमुना संकलन गरेको छ ।
ट्वाइलेटको हज र बोरिङ नजिकनजिक रहेकाकारण उत्पादितपानीमा कोलिफर्म हुनसक्ने आशंकामा नमुना संकलन गरिएको र तत्कालकालागि उत्पादन नगर्न निर्देशन दिइएको खाद्यनिरीक्षक न्यौपानेले बताए ।
संकलित नमुनाको परीक्षणपछि आउने रिपोर्टको आधारमा निर्णय लिइने न्यौपानेले जानकारी दिए । उनले उद्योगलाई थप केहि सुधारात्मकनिर्देशनहरु दिइएको समेत बताए ।
टोलीले सो उद्योगले उत्पादन गरेको २ जार पानीनमुनाकालागि संकलनगरि लगेको छ । उता, उद्योग संचालकओमप्रकाश राउतले भने आफुहरुले उत्पादनगर्दै आएको पानीको समय समयमाल्याब परीक्षण गराउदै आएपनिकोलिफर्म नभेटिएको दाबी गरेका छन ।
