१८ भदौ, सुनसरी ।
विषालु सर्पले डसेर सुनसरीमा दुईजनाको मृत्यु भएको छ ।
कोसी गाउँपालिका ७ हरिपुरकी ३० वर्षीया सरितादेवी यादवको सर्पले डसेर मंगलबार साँझ मृत्यु भएको प्रहरीले जनाएको छ । घाँस काटिरहेका बेला उनलाई सर्पले डसेको थियो ।
यसैगरी हरिनगर गाउँपालिका १ मा सर्पले डसेर ५५ वर्षीया सहिदान खातुनको मृत्यु भएको प्रहरीले जनाएको छ। सर्पले टोकेर सिकिस्त भएकी उनको उपचारका क्रममा मंगलबार राति मृत्यु भएको हो।
