५ असोज, विराटनगर । प्रदेश १ मा प्रमुख प्रतिपक्ष नेपाली कांग्रेसको नाराबाजीका बीच मनमोहन प्राविधिक विश्वविद्यालयको व्यवस्था गर्न बनेको विधेयक प्रदेश संसदमा पेश भएको छ ।
सामाजिक विकास समितिकी सभापति सीता थापाले प्रतिवेदन बैठकमा पेश गरेकी हुन् । प्रतिवेदनसहितको विधेयक पेश भएसगै सोमबारसम्मका लागि बैठक स्थगित भएको छ ।
प्रदेश सभाको बैठकमा पहिलो पल्ट प्रतिपक्ष नेपाली कांग्रेसले रोष्टम घेराउ गरि सरकारविरुद्व नाराबाजी गरेको हो ।
यस अघि पनि सोमबार र मंगलवार लगातार कांग्रेसले विधेयकलाई सच्याउन माग गदै बैठकमा लगातार विरोध जनाएपछि संसद बैठक अवरुद्ध गरेपछि बैठक स्थगित भएको थियो ।
