७ असोज, विराटनगर ।
मोरङको लेटाङ नगरपालिका–३ स्थित चिसाङ खोलामा को २ त २२०६ र on Test लेखिएका ट्याक्टरहरु प्रहरीले नियन्त्रणमा लिएको छ ।
अवैध रुपमा ढुङ्गा र बालुवा उत्खनन् भईरहेको भन्ने सुचनाको आधारमा मंगलबार इप्रका लेटाङ बाट खटिएको प्रहरी टोलीले उत्खनन् गर्दै गरेको अबस्थामा फेलापारी नियन्त्रणमा लिएको हो । उत्खनन् गर्ने ट्याक्टर लेटाङमा ल्याई आवश्यक कार्वाहीको लागि समबन्धीत निकायमा पठाउने कार्य भईरहेको प्रहरीले जनाएको छ ।
त्यस्तै मंगलबार १२ बजेको समयमा बेलबारी नगरपालिका–५ कसेनी स्थित निषेधित क्षेत्र लोहन्द्रा खोलाबाट अबैध रुपमा बालुवा लोड गर्दै गरेको अवस्थामा को २ त ३९४० नम्बरको ट्याक्टरलाई ईप्रका हरैचाबाट खटिएको प्रहरी टोलीले फेला पारी नियन्त्रणमा लिई आवश्यक कार्वाहीको लागि सम्बन्धित निकायमा पठाउने कार्य भईरहेको जिल्ला प्रहरी कार्यालय मोरङले जनाएको छ ।
