८ असोज, धनुषा।
धनुषाको एउटा होटलमा करेन्ट लागेर तीनजनाको मृत्यु भएको छ ।
धनुषाको गणेशमान चारनाथ नगरपालिका–७ पोर्ताहामा रहेको पूर्वेली स्टाफलाइन होटेलको फ्रीजमा करेन्ट लागेर मंगलबार राति तीन जनाको ज्यान गएको हो ।
मृत्यु हुनेमा होटलका सञ्चालक ५० वर्षीय शिवकुमार महतो, उनकी ४० वर्षीया श्रीमती र त्यसै होटलमा काम गर्ने ४० वर्षीय एक महिला रहेको धनुषाका प्रहरी उपरीक्षक शेखर खनालले जानकारी दिएका हुन् ।
