१० असोज, सुनसरी ।
सुनसरीको दुहवीबाट गाँजासहित एक ब्यक्ति पक्राउ परेका छन् ।
दुहवी नगरपालिका ७ भलुवाबाट एक केजी गाँजासहित स्थानीय ६५ बर्षीय हकिम पासवानलाई प्रहरीले पक्राउ गरेको छ ।
बिशेष सूचनाको आधारमा बिहिवार राती ८ बजे इलाका प्रहरी कार्यालय दुहवीबाट खटिएको प्रहरी टोलीले पासवानको घर खानतलासी गर्ने क्रममा घरमा लुकाई छिपाई राखेको अवस्थामा एक केजी गाँजा बरामद गरेको हो ।
गाँजासहित पक्राउ परेका पासवानका विषयमा थप अनुसन्धान भईरहेको इलाका प्रहरी कार्यालय दुहवीले जनाएको छ ।
