१२ असोज, विराटनगर ।
विराटनगरमा आइतबार भएको सवारी दुर्घटनामा २ जना घाईते भएका छन । मुनालपथमा बस र मोटरसाइकल एक आपसमा ठोक्किँदा मोटरसाईकलमा सवार २ जना गम्भीर घाइते भएका हुन् ।
घाइते हुनेमा पाँचथरको फिदिमका अन्दाजी २० वर्षिय धनबहादुर तामाङ र २१ वर्षीय सञ्जय तामाङ रहेको जिल्ला प्रहरी कार्यालय मोरङका डिएसपी राजकुमार खिउजुले जानकारी दिए ।
दक्षिणबाट उत्तर तर्फ आउदै गरेको को १ ख ४०४३ नम्बरको महालक्ष्मी यातायातको बसले विपरीत दिशामा जाँदै गरेको मे २ प ८७९४ नम्बरको मोटरसाइकललाई ठक्कर दिँदा दुर्घटना भएको हो ।
दुर्घटनामा गम्भीर घाइते भएका दुबैको विराटनगर स्थित विराट नर्सिङ होममा उपचार भइरहेको छ । बस र चालक प्रहरीको नियन्त्रण लिएको डिएसपी खिउजुले बताए ।
