१६ असोज, काठमाडौं । नेपाली कांग्रेसका नेता प्रकाशमान सिंहले निर्मला पन्तका दोषीपत्ता लगाउन नसकेर जनविश्वास गुमाइसकेको सरकार र प्रहरी प्रशासनलाई महरा प्रकरण पुनःविश्वास आर्जन गर्ने अवसर भएको सुझाव दिएका छन् ।
नेपाली कांग्रेस काठमाडौं क्षेत्र नम्बर ३ ले जोरपाटीमा आयोजना गरेको शुभकामना आदानप्रदान कार्यक्रममा पूर्वउपप्रधानमन्त्री समेत रहेका नेता सिंहले देशमा कानुनी राज्य छ भन्ने स्थापित गर्नका लागि र निर्मलापन्तको केसमा गुमिसकेको विश्वास फेरि जगाउनकालागि यो काममा सरकार र प्रशासन लाग्नुपर्ने बताए।
कानुन सबैकालागि समान भएको बताउँदै उनले अनुसन्धानमा संलग्न प्रहरीहरुलाई दबाव र प्रभावमा नपरी चनाखो भएर कामगर्न सुझाव दिए। अनुसन्धानको क्रममा दोषी देखिनेलाई ढाकछोप गर्न नहुने उनको भनाइथियो ।
नेता सिंहले अत्यधिक मूल्यवृद्धि, भ्रष्टाचार, मेलम्ची खानेपानीआयोजना प्रकरण लगायतले सरकार असफल भएको पुष्टि भइसकेको पनि बताए ।
