१६ असोज, धनकुटा ।
धनकुटाको चौबिसे गाउँपालिका–३ गढीगाउँका १७ बर्षीय लक्ष्मण तामाङको ट्याक्टरबाट लडेर मृत्यु भएको छ ।
तामाङ मंगलबार राती ८ बजे गढिगाउँ स्थित भित्री सडक खण्डमा तमर नदीबाट बालुवा बोकी मुढेतर्फ आउँदै गरेको को २ त २८३६ नम्बरको ट्याक्टरबाट लडेर गम्भीर घाईते भएका थिए ।
घाइते भएका तामाङको धरान स्थित बि.पि. कोइराला स्वास्थ्य बिज्ञान प्रतिष्ठानमा उपचारको क्रममा राती पौने १ बजे मृत्यु भएको जिल्ला प्रहरी कार्यालय धनकुटाले जनाएको छ । ट्याक्टर र ट्याक्टर चालक प्रहरी चौकी मुढेवासको नियन्त्रणमा राखिएको प्रहरीले जनाएको छ ।
