१७ असोज, काठमाडौं । प्रहरीले काठमाडौंबाट १५ किलो चाँदीसहित एकजनालाई पक्राउ गरेको छ ।
महानगरीय प्रहरी वृत्त महाराजगन्जले बिहीबार राति १५ किलो चाँदीसहित धादिङका ३२ वर्षीय राज सापकोटालाई पक्राउ गरेको हो ।
ललितपुरको इमाडोलमा तिलहरी ज्वेलर्स सन्चालन गर्दै आएका सापकोटाको साथबाट १० लाख ५० हजार रुपैयाँ बराबरको चाँदी बरामद गरेको प्रहरीले जनाएको छ ।
घटनाकाबारेमा थप अनुसन्धान भइरहेको प्रहरीको भनाइ छ ।
