१८ असोज, काठमाडौं ।
नेपाली सेनाले काठमाडौँ उपत्यकामा विजया दशमीको दिन निःशुल्क बस सेवा सञ्चालन गर्ने भएको छ।
टीकाको दिन कम सार्वजनिक सवारी चल्ने भएकाले असोज २१ गते सैनिक तथा गैरसैनिक (सर्वसाधारण) को आवगमन सहजताका लागि सेनाले बस सेवा सञ्चालन गर्ने भएको हो।
उक्त दिन काठमाडौँका विभिन्न रुटमा सेनाले बस सञ्चालन गर्ने जनसम्पर्क तथा सूचना निर्देशनालयद्वारा जारी प्रेस विज्ञप्तिमा जनाइएको छ।
