१८ असोज, विराटनगर ।
विराटनगरस्थित निशान भगवती मन्दिरमा परम्परागत रुपमा फुलपाती भित्र्याइएको छ ।
सो क्रममा जिल्ला अदालतस्थित मन्दिर परिसरबाट बाजागाजा सहित निस्किएको धार्मिक ¥यालीले फूलपाती बढाई गर्दै नगरको विभिन्न मन्दिरहरुको परिक्रमा गरेको थियो ।
अदालत परिसरबाट निस्किएको धार्मिक ¥यालीले स्थानीय बगलामुखी मन्दिर पुगेर पुजाआजा गरिएको थियो । सो मन्दिर परिसरमा रहेको रुखबाट बेल टिपेर बिधिबत पुजाआजा गरिनुका साथै प्रसाद वितरण गरिएको थियो ।
त्यहाँबाट निस्किएको फुलपाती बढाई ¥याली कालीमन्दिरबाट जलजला रोड हुँदै फेरी जिल्ला अदालत परिसरमा रहेको निशान भगवती मन्दिर पुगेको थियो ।
फुलपाती भित्रयाउनु अघि र पछि नेपाल प्रहरी र सशस्त्र प्रहरीले दशैघर स्थित दुर्गा भवानीको मूर्तिमा सम्मान अर्पण गरेको थियो ।
दुर्गा भवानीको प्रतिमा राखिएको दशैंघरमा उखु, अदुवा, वेलपत्र, दारिम,अशोकको फूल लगायतका नवपत्रिका (फुलपाती) भित्रयाइने परम्परा रहेको छ । फुलपाती बढाई कार्यक्रममा मोरङका प्रमुख जिल्ला अधिकारी मदन भुजेल र जिल्ला प्रहरी कार्यालय मोरङका डिएसपी राजकुमार खिंउजु सहित प्रशासनिक क्षेत्रका कर्मचारी र सर्वसाधारणको सहभागिता थियो ।
