२३ असोज, विराटनगर । भारतको विहारसँग सीमा जोडिएको झापाका खुल्ला सीमा नाकाबाट ठूलो परिणाममा पटका नेपाल भित्रिन थालेका छन् ।
तिहार तथा छठ पर्वलाई लक्षित गर्दे झापाको कचनकवल नाकाबाट भित्राइएको ठूलो परिणामको पटकासहित एउटा मोटरसाइकल सशस्त्र प्रहरीले नियन्त्रणमा लिएको छ ।
हल्दीबारी गाउँपालिका ५ स्थित डाँगागाँउबाट दुई बोरा जगमग पटकासहित मोटरसाइकल नियन्त्रणमा लिएको सशस्त्र प्रहरी बल २ नम्बर गण झापाका सशस्त्र प्रहरी नायव उपरीक्षक प्रेम भण्डारीले जानकारी दिए । मे १ प ३७१३ नम्बरको मोटरसाइकलमा हालेर बिर्तामोडतर्फ लैजाने क्रममा सशस्त्र प्रहरीले विशेष सूचनाको आधारमा पटका बरामद गरेको भण्डारीले बताए ।
बरामद गरिएको पटकाको नेपाली बजार मूल्य एक लाख रहेको छ । पटकालाई गणमै सबै रोहबरमा नष्ट गरिएको छ । यस्तै बरामद गरिएको मोटरसाइकल आवश्यक कारबाहीका लागि भन्सार बुझाइने शसस्त्र प्रहरीले जनाएको छ ।
