२५ असोज,काठमाडौँ ।
शनिबार अपरान्ह सुरु हुने चिनियाँ राष्ट्रपति सीको नेपाल भ्रमणका लागि १५ हजार बढी सुरक्षाकर्मी तैनाथ हुँदैछन्।
नेपालका चारवटै सुरक्षा निकायका सुरक्षाकर्मीहरु यसमा खटिएका छन् । तीमध्ये ७० प्रतिशत सुरक्षाकर्मी नेपाली सेनाका हुनेछन्। उनीहरु त्रिभुवन विमानस्थलदेखि राष्ट्रपति सी हिँड्ने बाटो र बस्ने ठाउँमा परिचालन हुनेछन्।
सुरक्षा चुनौतिलाई मध्यनजर गरि सुरक्षा व्यवस्था मिलाइएको नेपाली सेनाका प्रवक्ता विज्ञानदेव पान्डेले जानकारी दिए। सीको सुरक्षार्थ नेपाल प्रहरी, शसस्त्र प्रहरी बल (एपीएफ) र राष्ट्रिय अनुसन्धान विभाग पनि खटिने छन्।
त्यस्तै सीको सुरक्षाका लागि चिनबाट पनि सुरक्षाकर्मी आएका छन्। राष्ट्रपतिको भित्री सुरक्षा नेपाली सेना र चिनियाँ सुरक्षाकर्मीले गर्नेछन्। त्यसभन्दा बाहिर नेपाल प्रहरी र सशस्त्र प्रहरी हुनेछन्। सबैभन्दा बाहिरी तहमा राष्ट्रिय अनुसन्धान विभाग रहने छ।
राष्ट्रपति सीको सवारीका लागि चार वटा बुलेट प्रुफ गाडी पनि चीनबाट ल्याइएको जनाइएको छ।
