२६ असोज, विराटनगर ।
मोरङको सुनवर्षी र रंगेलीबाट पटकासहित बिभिन्न भन्सार छली ल्याएको सामान मोरङ प्रहरीले बरामद गरेको छ । आइतबार सुनवर्सी– ९ स्थित डाईनिया बजारमा भारतबाट अबैध रुपमा नेपाल तर्फ साईकलमा ल्याउदै गरेको अन्दाजी १२ हजार बराबरको १२ बन्डल कोब्रा नामक पटका इलाका प्रहरी कार्यालय रंगेलीबाट खटिएको प्रहरी टोलीले बरामद गरेको हो । प्रहरीलार्ई देख्न साथ पटका छाडी मानिस साइकल लिएर फरार भएका थिए । उनीहरुको खोजी भईरहेको प्रहरीले जनाएको छ ।
त्यस्तै मोरङ रंगेली नगरपालिका– २ मंगलबारे स्थित नहर छेउमा भारतबाट बि आर ३८ प ३९८७ नम्बर को मोटरसाईकलमा भन्सार छली ल्याउँदै गरेको अन्दाजी ४० हजार बराबरको आइरन,ग्याँस चुलो,सिलिङ्ग पंखा र प्रेसर कुकर लगायतका सामान रंगेलीबाट खटिएको प्रहरी गस्ती टोलीले पक्राउ गरेको छ । प्रहरीलाई देख्नासाथ फरार भएका सााान ल्याउने ब्यक्तिहरुको खोजतलास भईरहेको जिल्ला प्रहरी कार्यालय मोरङले जनाएको छ ।
उक्त सामानहरु आबश्यक कारबाहीको लागी भन्सार कार्यालय रानी पठाउने तयारी भईरहेको प्रहरीले जनाएको छ । तिहार तथा छठ नजिकिएसंगै सिमा क्षेत्रमा हुन सक्ने अपराधिक घटनाहरुको साथै निषेध गरिएको पटकाजन्य पदार्थ तथा अन्य अबैध सामानहरु भित्रिन सक्ने अबस्थालाई मध्यनजर गर्दै सीमा क्षेत्रहरुमा बिशेष प्रहरी टोली परिचालन गरिएको जिल्ला प्रहरी कार्यालय मोरङले जनाएको छ ।
