२७ असोज, विराटनगर ।
लायन्स क्लब अफ विराटनगर डाईनो र साईनोले मोरङको बुढीगंगास्थित महिला जागृति तथा बृद्धाआश्रमका लागि खाद्यय सामग्री प्रदान गरेको छ । क्लबले गाँउपालिका वडा नम्बर १ मा एक कार्यक्रमको आयोजना गरी २५ किलो पिठो, २० किलो दाल, १५ किलो चिनी, ३ कार्टुन चाउचाउ, १० किलो भुजा, १ सय ५० प्याकेट विस्कुट, १० लिटर तेल, नुन आश्रमलाई हस्तान्तरण गरेको हो ।
यसैगरी चना, नुहाउने तथा लुगाधुने साबुन, सरफ , मरमसला गरी २० हजार बराबरको आश्रमलाई सहयोग गरिएको डार्यनोका अध्यक्ष राजन भगतले बताए । लाइन्स क्लब अफ विराटनगर डाईनो र साइनोले समय समयमा विभिन्न सामाजिक कार्यक्रमहरु गर्दे आएको र आगामी दिनमा पनि यसलाई निरन्तरता दिने लाइन्स क्लब अफ विराटनगर साइनोका अध्यक्ष मनिस भगतले जानकारी दिए । कार्यक्रममा लियो डिस्ट्रिक चियर पर्सन एमडी नाजिर, बल्ड चिफ मोहित अग्रवाल लगायत दुवै क्लबमा पदाधिकारीहरुको सहभागिता रहेको थियो ।
