५ कात्तिक, सिरहा ।
सिरहाको लहान नगरपालिका ३ स्थित पूरानो बसपार्कबाट भारतबाट भन्सार छली लुकाई छिपाई नेपाल भित्र्याउदै गरेको ३ बोरा सुर्ती प्रहरीले बरामद गरेको छ ।
नम्बर प्लेट नभएको रातो कलरको ग्लाईमर मोटरसाईकलमा लोड गरि ल्याउदै गर्दा ईलाका प्रहरी कार्यालय लहानबाट खटिएको प्रहरी टोलीले सुर्ती बरामद गरेको हो । प्रहरी टोलीलाई देख्नासाथ तस्करहरु सामान छाडेर फरार रहेको प्रहरीले जनाएको छ ।
उक्त सुर्तीको बजार मुल्य ३७ हजार ५ सय रहेको छ । बरामद सुर्ती ठाडि भन्सारमा बुझाउने इलाका प्रहरी कार्यालय लहानले जनाएको छ ।
