५ कार्तिक, विराटनगर ।
मोरङ प्रहरीले जिल्लाका विभिन्न स्थानबाट छिमेकी राष्ट्र भारतबाट अवैध रुपमा नेपाल भित्र्याउदै गरिएका २ लाख २४ हजार बराबरको पटका बरामद गरेको छ ।
रंगेली नगरपालिका ४ बेतौनाको दक्षिण चिसाङ खोलाको बाटो हुदै भारतबाट अबैध रुपमा नेपाल तर्फ पैदल ल्याउदै गरेको ४ बोरा ५२ बण्डल नागिन पटका अंन्दाजी मुल्य नेरू. २ लाख २० बिस हजार बराबरको पटका जन्य पदार्थ पक्राउ गरेको छ ।
यस्तै रंगेली ४ चोप्राहमा भारतबाट अबैध रुपमा नेपाल तर्फ पैदल ल्याउदै गरेको झिरझरे पटका १० बन्डल, फुलझरी पटका ६ बन्डल गरी अमरू ४ हजार बराबरको पटका इप्रका रंगेलीबाट खटिएको प्रहरी टोलीले बरामद गरेको मोरङ प्रहरीले जनाएको छ ।
तिहार नजिकिएसँगै सीमा क्षेत्रमा चेकजाँच र सुरक्षा बढाएको मोरङ प्रहरीले बिराटनगर महानगरपालिका १५ र १६ न. वडाका बिभिन्न स्थानमा चेकजाँच गर्ने क्रममा भारतबाट नेपाल तर्फ लुकाई छिपाई ल्याएको नागिन पड्का, कोब्रा पड्का, चकलेट बम ,फुलझरी अन्य बिभिन्न किसिममा पड्काहरु गरि दश हजार बराबरको पटकाजन्य पदार्थ फेला पारी नियन्त्रणमा लिईएको जनाएको छ ।
