९ कात्तिक, काठमाडौँ ।
नेपाली कांग्रेसका सभापति शेरबहादुर देउवाले सरकारले लोकतन्त्र माथि निरन्तर आक्रमण गरिरहेको बताएका छन् ।
शनिबार काठमाडौँमा पाँचथर काठमाडौँ सम्पर्क समितिको शुभकामना आदान प्रदान कार्यक्रममा बोल्दै सभापति देउबाले प्रजातान्त्रिक अधिकारमाथि सरकारको आक्रमण बढिरहेको भन्दै सबैलाई एकजुट हुन आग्रह पनि गरे ।
सरकारले लोकतन्त्र माथि आक्रमण गर्न एक पछि अर्को बिधेयक ल्याएर जनताका अधिकार कटौती गर्न लागेको पनि आरोप लगाए । सभापति देउबाले प्रजातन्त्रको रक्षाको लागि सबै कांगे्रसजन सचेत भएर लड्नु पर्ने बेला आएको पनि बताए ।
कार्यक्रममा पाँचथर घर भइ काठमाडौँ आएर बसोबास गर्ने कलाकारहरुले गायन नृत्यकला प्रस्तुत गरेका थिए ।
